Meginhlutverk Birtu er að tryggja sjóðfélögum, eftirlifandi mökum þeirra og börnum lífeyri.
Birta lífeyrissjóður er fullgildur lífeyrissjóður og hefur starfsleyfi samkvæmt Seðlabanka Íslands
Birta lífeyrissjóður starfar á grundvelli samþykkta og samkvæmt lögum nr. 129/1997, um skyldutryggingu lífeyrisréttinda og starfsemi lífeyrissjóða. Einnig starfar lífeyrissjóðurinn á grundvelli samkomulags stéttarfélaga og atvinnurekenda frá 19. maí 1969 með síðari breytingum. Hlutverk Birtu lífeyrissjóðs er að tryggja sjóðfélögum, eftirlifandi mökum þeirra og börnum lífeyri í samræmi við samþykktir sjóðsins og með hliðsjón af lögum um skyldutryggingu lífeyrisréttinda og starfsemi lífeyrissjóða.
Birta lífeyrissjóður starfar á tveimur mörkuðum, íslenskum tryggingamarkaði og fasteignalánamarkaði. Sjóðurinn býður upp á tryggingavernd í formi skyldusparnaðar lífeyrisréttinda, séreignarsparnað og sjóðfélagalán. Samtryggingardeild sjóðsins veitir lágmarkstryggingarvernd samkvæmt samþykktum sjóðsins og lögum þar um og er veigamesti þátturinn í starfsemi sjóðsins. Séreignardeild Birtu veitir viðbótartryggingarvernd í formi séreignarsparnaðar með samningum þar um. Sjóðfélagar hafa kost á að taka fasteignalán hjá sjóðnum að uppfylltum skilyrðum.
Góð þjónusta skiptir okkur máli
Sjóðurinn leggur áherslu á góða þjónustu og ferla sem tryggja skilvirkni og öryggi fyrir sjóðfélaga. Sjóðfélagar kjósa í auknu mæli að sinna erindum sínum með rafrænum hætti og utan hefðbundinna opnunartíma sjóðsins. Það er því mikilvægt fyrir sjóðinn að vera í stöðugri framþróun við að bæta ferla og stafræna vegferð.
Flestar umsóknir sem berast sjóðnum fara í gegnum rafrænt umsóknarferli þar sem málum er fylgt eftir frá upphafi til enda. Málið hefst í gáttinni á mínum síðum sjóðfélaga og flæðir þaðan inn í málakerfið þar sem starfsmaður tekur á móti málinu. Þau mál sem berast ekki með rafrænum hætti eru skráð í málakerfið þar sem málið er stofnað af starfsmanni og málsmeðferð hefst. Um leið og mál er stofnað í kerfinu er því fylgt eftir með rekjanleika í ákveðnum skrefum í samræmi við verklagsreglur og vinnulýsingar. Verklagið tryggir samræmda og faglega afgreiðslu mála. Nýju ári fylgja ný tækifæri til að gera góða þjónustu enn betri.
Með mælaborðinu er hægt að skoða stöðu mála og fylgjast með ferli þeirra
Birta lífeyrissjóður fylgir málum eftir með mælaborði (MS Power BI). Gögn eru oft á tíðum umfangsmikil og vanýtt auðlind en með því að fylgjast með ferli mála er hægt að skoða hvaða tækifæri eru til að bæta þjónustu og efla viðskiptaþróun. Með mælaborðinu hafa starfsmenn Birtu aðgang að margskonar upplýsingum um stöðu mála, rekstur sjóðsins, tækifæri til hagræðingar og möguleika til að ná betri árangri.
Mælaborð Birtu er byggt upp úr gögnum úr skjala- og málakerfinu GoPro. Gögnin keyrast sjálfvirkt inn í mælaborðið tvisvar á dag sem gefur starfsmönnum möguleikann á að fylgjast með stöðu mála í rauntíma. Mælaborðið sýnir með myndrænum hætti hvar í ferlinu umsóknir eru á hverjum tíma fyrir sig og hversu margar umsóknir koma inn á dag. Einnig er að finna afgreiðsluhraða á öllum fösum umsóknarferlisins sem gefur stjórnendum yfirsýn yfir það hvort flöskuhálsar séu í ferlinu.
Gæðaskjölin tryggja að unnið sé eftir samræmdu verklagi innan sjóðsins
Gæðahandbók sjóðsins er sett upp í CCQ gæðakerfinu, sem heldur utan um gæðaskjöl sjóðsins, þ.e. stefnur, reglur, verklagsreglur, vinnulýsingar, leiðbeiningar og eyðublöð. Kerfið heldur einnig utan um ábyrgðaraðila skjala, útgáfudagsetningar og hvenær tími er kominn á endurskoðun skjala.
Mikil vinna hefur farið fram frá stofnun Birtu lífeyrissjóðs við að sameina og samþætta ferla, reglur og vinnulýsingar frá forverum sjóðsins. Gæðaskjölin tryggja að unnið sé eftir samræmdu verklagi innan sjóðsins og draga úr rekstraráhættu, skjalaáhættu og starfsmannaáhættu.
Árið 2022 var viðburðaríkt og gekk starfsemi sjóðsins vel
Lífslíkur okkar hafa aukist jafnt og þétt undanfarna áratugi. Framfarir hafa orðið í læknavísindum og fólk er meðvitaðra um heilsuna og áhrif heilbrigðis lífernis á bætt lífsgæði og lengri lífaldur. Það mun leiða til þess að fjöldi fólks á lífeyrisaldri, við góða heilsu og óskerta starfsgetu, mun aukast verulega. Þessi þróun hefur áhrif á skuldbindingar lífeyrissjóða.
Aðeins breytingar á framtíðarávinnslu réttinda.
Stjórn Birtu lífeyrissjóðs ákvað í október 2022 að gera breytingar á réttindatöflum sjóðsins. Reiknuð er réttindatafla fyrir hvern árgang þar sem 0,3% munur er á réttindaávinnslu á milli árganga sem leiðir til sambærilegrar niðurstöðu og að seinka viðmiðunarári um tvo mánuði þar til jafnvægi er náð. Nýjar réttindatöflur gilda eingöngu um framtíðarávinnslu og hafa því ekki áhrif á áfallin réttindi.
Í lok árs 2022 samþykkti Fjármála- og efnahagsráðuneytið þessar nýju samþykktir sjóðsins þar sem réttindaöflun til framtíðar er aðlöguð að breyttum aðferðum við að meta lífslíkur. Þessar breytingar á réttindatöflum tóku gildi 1. janúar 2023.
Um áramót taka gildi nýjar réttindatöflur fyrir sjóðsfélaga Birtu. Réttindatöflurnar taka mið af nýjum lífslíku- og eftirlifendatöflum Félags íslenskra tryggingafræðinga sem fjármálaráðherra staðfesti með reglugerð í desember á síðasta ári. …
30. desember 2022 Lesa meiraÍ janúar 2022 gafst sjóðfélögum kostur á auknu vali sparnaðarleiða í Tilgreindri séreign. Áður var um eina sparnaðarleið að velja en nú geta sjóðfélagar valið um þrjár leiðir og tekið mið af aldri, eignastöðu og viðhorfi til áhættu við valið.
Tilgreind séreign er sérstök tegund séreignarsparnaðar þar sem sjóðfélagar geta valið að ráðstafa allt að 3,5% skylduiðgjaldi í séreignarsjóð.
Tilgreind séreign er sérstök tegund séreignarsparnaðar. Með Tilgreindri séreign geta sjóðfélagar valið að ráðstafa allt að 3,5% skylduiðgjalds í …
10. janúar 2022 Lesa meiraÁ árinu 2022 afgreiddi Alþingi breytingar á lögum um lífeyrissjóði sem komu til framkvæmda 1. janúar 2023. Helstu breytingar með nýju lögunum eru eftirfarandi:
Á árinu 2022 hófst vinna við innleiðingu á viðskiptamannakerfi. Upplifun sjóðfélaga skiptir okkur máli og með innleiðingu á viðskiptamannakerfi munum við halda utan um samband við okkar sjóðfélaga og viðskiptavini. Við leggjum mikla áherslu á að veita framúrskarandi þjónustu og mun kerfið hjálpa okkur við að bæta upplifun sjóðfélaga og viðskiptavina, fylgjast betur með ánægju þeirra, bregðast við ábendingum og halda betur utan um öll samskipti.
Á árinu hófst vinna við að uppfæra sjóðfélagavef á heimasíðu Birtu og fer uppfærður vefur í loftið í maí 2023. Á sjóðfélagavef er hægt að finna upplýsingar um réttindi, stöðu iðgjalda og önnur mál.
Á næstu misserum mun verða umfangsmikið verkefni að innleiða nýtt ESB regluverk og tilskipanir í tengslum við sjálfbærniupplýsingagjöf fyrirtækja (e. CSRD), innleiðingu vegna reglugeða um flokkunarkerfi fyrir sjálfbæran rekstur (e. EU Taxonomy) og innleiðingu reglugerða um upplýsingagjöf um sjálfbærni í fjármálaþjónustu (e. SFRD). Samkvæmt SFDR reglugerðinni þarf sjóðurinn m.a. að innleiða í stefnu sína UFS viðmið sem taka þarf tillit til við áhættumat fjárfestinga. Sjá nánari umfjöllun í köflum 1.5 Ábyrgar fjárfestingar og 3.2 Leiðin að kolefnishlutleysi.
