Skyldusparnaður leggur grunn að lífinu eftir starfslok og tryggir ævilangan lífeyri og áfallalífeyri. Skylduiðgjald er lögbundið lágmark sem greiða skal í lífeyrissjóð. Það er nú 15,5% og skiptist í 4% eigið framlag launafólks og 11,5% framlag launagreiðanda.
Launamenn, atvinnurekendur og þeir sem stunda sjálfstæða starfsemi skulu greiða iðgjöld í lífeyrissjóð frá 16 ára til 70 ára aldurs. Aðild að Birtu lífeyrissjóði byggist á ákvæðum kjarasamninga stéttarfélaga, aðild fyrirtækja eða á almennum forsendum. Í sjóðnum eru launamenn sem starfa hjá aðildarfyrirtækjum og/eða byggja starfskjör sín á kjarasamningum stéttarfélaga. Þeim er líka heimil aðild sem hvorki eru bundnir kjarasamningum tengdra stéttarfélaga né njóta ráðningarbundinna starfskjara sem byggð eru á kjarasamningum en óska eigi að síður eftir aðild að sjóðnum.
Í árslok 2022 áttu 101.178 manns réttindi í samtryggingardeild Birtu lífeyrissjóðs. Á árinu 2022 greiddu 18.748 iðgjald til samtryggingardeildar en 18.192 árið 2022. Virkir sjóðfélagar voru 16.462, það er að segja þeir sem greiddu að jafnaði iðgjöld til sjóðsins með reglubundnum hætti í mánuði hverjum. Alls greiddu 6.449 launagreiðendur iðgjöld og námu iðgjaldagreiðslur til samtryggingardeildar 19.836 milljónum króna að meðtöldum réttindaflutningi og endurgreiðslum. Framlag ríkisins til jöfnunar á örorkubyrði nam 191.817 milljónum króna á árinu.
Á árinu 2022 námu iðgjaldagreiðslur til séreignardeildar, fyrir réttindaflutninga og endurgreiðslur, 985 milljónum króna. Það er 9,3% aukning frá fyrra ári. Iðgjaldagreiðslur til tilgreindrar séreignardeildar, fyrir réttindaflutninga og endurgreiðslur, námu 542 milljónum króna á árinu 2022.
| Sérhæfð byggingarstarfsemi | 14,20% |
| Bygging húsnæðis, þróun bygginga | 10,31% |
| Sala, viðgerðir og viðhald á vélum | 5,96% |
| Opinber stjórnsýsla | 5,02% |
| Framleiðsla á málmvörum | 5,01% |
| Heildverslun | 4,70% |
| Rafmagns-, gas- og hitaveitur | 4,25% |
| Smásöluverslun | 4,23% |
| Veitingasala og þjónusta | 3,89% |
| Matvælaframleiðsla | 2,94% |
| Starfsemi arkitekta og verkfræðinga | 2,80% |
| Framleiðsla á öðrum ótöldum vélum og tækjum | 2,69% |
| Framleiðsla málma | 2,43% |
| Þjónustustarfsemi á sviði upplýsingatækni | 2,43% |
| Rekstur gististaða | 1,79% |
| Annað | 27,35% |
| Ríkissjóður Íslands | |
| Marel Iceland | |
| Rarik ohf. | |
| Ístak hf. | |
| Atvinnuleysistryggingasjóður | |
| Samskip hf. | |
| Kaupfélag Skagfirðinga | |
| Landsvirkjun | |
| Veitur ohf. | |
| GR Verk ehf. | |
| Fæðingarorlofssjóður | |
| Brimborg ehf. | |
| Eykt ehf. | |
| BERJAYA Hótel | |
| N1 ehf. | |
| Norðurál | |
| Securitas hf. | |
| Samkaup hf. | |
| Íslensk verkmiðlun ehf. | |
| Rafal ehf. |